რა არის სამოგზაურო დაზღვევა

სამოგზაურო დაზღვევა აგინაზღაურებს საზღვარგარეთ მოგზაურობის პერიოდში ჯანმრთელობის მოულოდნელ გაუარესებასთან დაკავშირებულ ხარჯებს და ასევე ფარავს დაზღვეულის რეპატრიაციას და მისი თანხმხლები პირის მოულოდნელად დაბრუნების ხარჯებს.

სადაც არ უნდა მიემგზავრებოდე: ამერიკაში, საფრანგეთში, იტალიაში, ჩეხეთში თუ სხვა რომელიმე ქვეყანაში, დაზღვევა მთელი მსოფლიოს მასშტაბით იმოქმედებს.

თვითმფრინავის ბილეთებისა და პასპორტის გარდა, სამოგზაურო დაზღვევა ერთ-ერთი აუცილებელი დოკუმენტია საზღვარზე წარსადგენად, თუ შენგენის ტერიტორიაზე მიემგზავრები. გარდა ამისა, ეს დაზღვევა სავალდებულო საბუთია სხვადასხვა ქვეყნის სავიზო აპლიკაციის შევსებისას.

დამატებით შეგიძლია შეიძინო ბარგის დაკარგვა/დაგვიანება/დაზიანების, პასპორტის დაკარგვის, და/ან მოგზაურობის გაუქმება/შეწყვეტის დაზღვევა. ერთდროულად 2 ან სამივე მათგანის შეძენის შემთხვევაში, ფასდაკლებითაც ისარგებლებ. მათ ღირებულებას ერჯერადად იხდი და მთელს მოგზაურობაზე იყენებ, არ აქვს მნიშვნელობა რამდენი დღით მიემგზავრები.

დაზღვევის გაფორმება 75 წლამდე ასაკის პირებისთვის არის შესაძლებელი. არასრულწლოვანთათვის დაზღვევის შეძენა შეუძლია ნებისმიერ პირს, რომელსაც 18 წელი უკვე შეუსრულდა. გაითვალისწინე, რომ დაზღვევა მანამ უნდა შეიძინო, სანამ საქართველოს საზღვარს გადაკვეთ.

სამოგზაურო დაზღვევა

რა ღირს სამოგზაურო დაზღვევა?

- დღეში 1 ლარი - 60 წლამდე ასაკის პირებისთვის
- დღეში 2,5 ლარი - 60 წელზე მეტი ასაკის პირებისთვის

დაზღვევის გაფორმებისას უნდა აირჩიო მკურნალობისთვის საჭირო თანხა დოლარში გსურს, თუ ევროში და რა ლიმიტით გსურს ანაზღაურება, იმის მიხედვით, თუ სად აპირებ მოგზაურობას. დაზღვევა მოქმედებს მთელი მსოფლიოს მასშტაბით და აგინაზღაურებს მაქსიმუმ 50,000 $/€ თანხას.

რა ღირს სამოგზაურო დაზღვევა ნულოვანი ფრანშიზით შენგენის ქვეყნებისთვის?

დაზღვევას 50,000 $/€ ლიმიტით მთელს მსოფლიოში გამოიყენებ, მათ შორის შენგენის ზონის ქვეყნებშიც.
თუმცა თუ შენ გჭირდება სამოგზაურო დაზღვევა ნულოვანი ფრანშიზით, რომელიც მხოლოდ შენგენის ქვეყნებისთვის იმოქმედებს, მაშინ აუცილებლად 60,000 € ლიმიტი უნდა აირჩიო.

შენგენის ტერიტორიაზე მოქმედი დაზღვევის ფასია:
- დღეში 2 ლარი - 60 წლამდე ასაკის პირებისთვის
- დღეში 5 ლარი - 60 წელზე მეტი ასაკის პირებისთვის

დამატებით, შეიძინე მოგზაურობის გაუქმების დაზღვევა

შეგიძლია სამოგზაურო დაზღვევასთან ერთად, შეიძინო მოგზაურობის გაუქმების, გადადების ან ვადაზე ადრე შეწყვეტის დაზღვევა, რომელიც 60 წლამდე ასაკის პირებისთვის 10 ლარი ღირს, ხოლო 60 წელს ზევით -15. მოგზაურობის გაუქმების დაზღვევა 250 $/€ ლიმიტით ანაზღაურებს ბილეთებისა და სასტუმროს ჯავშნის/საფასურის იმ ნაწილს, რომელიც არ ექვემდებარება დაბრუნებას ავიაკომპანიისა და სასტუმროს/გამქირავებლის მხრიდან.

თანხის ანაზღაურება იმ შემთხვევაში ხდება, თუ შენი მოგზაურობა გაუქმდა, ან გადაიდო, ან შეწყდა შენი ან შენი თანხმლები პირის ჰოსპიტალიზაციის, ტრავმის, საკუთრებაში მყოფი ქონების დაზიანების, საგამოძიებო/სასამართლო ქმედებების ან ხელშეკრულებით გათვალისწინებული სხვა მიზეზების გამო.

გაითვალისწინე, მხოლოდ იმ შემთხვევაში, თუ მოგზაურობა გაგიუქმდა საქართველოში ყოფნისას შენი ან შენი თანხმლები პირის ან ახლო ნათესავის მოულოდნელი ჰოსპიტალიზაციის, ტრავმისა, ან ინფექციური დაავადებს გამო, მაშინ თანხის ანაზღაურება მხოლოდ იმ შემთხვევაში მოხდება, თუ მოგზაურობის გაუქმების დაზღვევა შენი გამგზავრების თარიღამდე მინიმუმ 3 დღით ადრე გქონდა შეძენილი. სხვა შემთხვევებში, არ აქვს მნიშვნელობა გამგზავრებამდე რამდენი ხნით ადრე გააფორმებ პოლისს.

დააზღვიე შენი ბარგი

ბარგის დაზღვევა მხოლოდ 6 ლარი ღირს. ბარგის დაზიანების ან მისი დაგვიანების ან თუნდაც დაკარგვის შემთხვევაში აგინაზღაურებს ხარჯებს მაქსიმუმ 500 $/€ ოდენობით.

შეიძინე პასპორტის დაკარგვის დაზღვევა

მხოლოდ 5 ლარად შეგიძლია შეიძინო დოკუმენტის დაკარგვის დაზღვევა. თუ საზღვარგარეთ ყოფნისას შემთხვევით პასპორტი დაკარგე, ეს დაზღვევა აგინაზღაურებს პასპორტის აღდგენასთან დაკავშირებულ ხარჯებს, მათ შორის საკონსულომდე ადგილობრივი ტრანსპორტირებისა და დოკუმენტის დაკარგვის გამო რეისის გაუქმების შემთხვევაში, ავიაბილეთის გადაცვლის ხარჯებს, ჯამში მაქსიმუმ 500 $/€ ოდენობით.

როგორ უნდა შეიძინო

სამოგზაურო დაზღვევის შეძენა მარტივად, ვებგვერდიდან შეგიძლია, თუნდაც გამგზავრების დღეს, პირდაპირ აეროპორტიდან.

ამისათვის:
- დააჭირე შეძენის ღილაკს
- შეავსე მითითებული ინფორმაცია
- გააფორმე დაზღვევა ონლაინ.

თანხის გადახდის შემდეგ, სადაზღვევო პოლისს e-mail-ზე და sms –ის სახით მიიღებ. დამატებითი ინფორმაციისთვის იხილე დაზღვევის სრული პირობები ან მოგვწერე ონლაინ ჩატში – ჩვენი ოპერატორი ყველა შეკითხვაზე გიპასუხებს.